എടപ്പാൾ ഉപജില്ലയിലെ മുഴുവൻ യു.പി.വിദ്യാലയങ്ങളുടെയും ടീമുകൾ പങ്കെടുത്ത സെവൻസ് ഫുട്‌ബോൾ ടൂർണമെന്റിൽ വളയംകുളം എം.വി.എം.ആർ.എച്.എസ് .ജേതാക്കളായി.നെല്ലിശ്ശേരി എ.യു.പി.സ്‌കൂളിനാണ് രണ്ടാം സ്ഥാനം.മലപ്പുറം ജില്ലയിൽ ആദ്യമായാണ് യു.പി.വിഭാഗം കുട്ടികൾക്കായി ഇത്തരമൊരു മേള ഉപജില്ലാതലത്തിൽ സംഘടിപ്പിക്കപ്പെടുന്നത്.നെല്ലിശ്ശേരി എ.യു.പി.സ്‌കൂൾ കായിക ക്ലബ്ബ്സംഘടിപ്പിച്ച മേളയുടെ സമാപനചടങ്ങിൽ മലപ്പുറം ഡയറ്റ് ഫാക്കൽറ്റി സുനിൽ അലക്സ് അധ്യക്ഷത വഹിച്ചു.വട്ടംകുളം ഗ്രാമപഞ്ചായത്ത് അംഗം കഴുങ്കിൽ മജീദ് ഉദ്‌ഘാടനം ചെയ്തു.എടപ്പാൾ ഉപജില്ലാ വിദ്യാഭ്യാസ ഓഫിസർ കെ.കെ.സൈദാബി ട്രോഫികളും സർട്ടിഫിക്കറ്റുകളും വിതരണം ചെയ്തു.ഫാറുഖ് തലാപ്പിൽ,മൊയ്‌ദുബിൻകുഞ്ഞുട്ടി,എം.വി.അഷ്‌റഫ്,അഡ്വ:പി.രാജഗോപാലമേനോൻ,പി.വി.അബ്ദുൾ ഗഫൂർ,അടാട്ട് വാസുദേവൻ,പി.കെ.നൗഫൽ,വി.കെ.മുഹമ്മദ് ഷെരീഫ്,എന്നിവർ പ്രസംഗിച്ചു.